28. juni 2010
Maskinarbejder Ole Mathiasen 6. juni 2010-mi ukiunik 25-nngortorsiorluni nalliuttorsiorpoq sulisartorlu Birthe Mogensen 1. maj 2010-mi imeqarfimmi ukiunik qulinngortorsiorluni nalliuttorsiorpoq.
Birthep ulluinnarni eqqiaaneq isumagisaraa pisariaqartillugulu ikiuuttarluni.
- Imeqarfimmi eqqiaanerup minnerpaatut suliffimmi inuussutissaleriffiusumisulli pitsaassuseqarnissaa immikkut pingaaruteqarpoq, tamannalu isumagilluarpaa. Imeqarfik eqqiluittuujuaannarlunilu kusanartuaannarpoq, ingerlatsinermut qullersaq Niels Pedersen oqaluttuarpoq.
Birthep suliassai piffissap ingerlanerani amerliartorsimapput. Allaffimmi saaffiginnittoqartillugu uuttortaatinillu atuaanermi ikiuuttarpoq, kiisalu feeriartoqartillugu napparsimasoqartillugulu naliginnaasumik ikiuuttarluni. Sulisunit nuannarineqartuuvoq, Niels naggasiivoq.
Sulisoq sullarissoq
Olep sulinini skibsmontøritut naammasseqqammerluni 1985-imi aallartippaa. Piffissap ingerlanerani assigiinngitsunik suliaqartarpoq, soorlu assersuutigalugu halvrørinik svejserineq, innaallagissiorfimmi motoorilerineq, pigaartuusarneq, kiisalu GTO-mi NUNATEK-imilu maanna Nukissiorfiusumi innaallagissiorfimmut formandiuneq. 2008-mi Ilulissani Nukissiorfinni sulilerpoq pitsaasumillu pineqartarami suleqatini qujaffigerusuppai.
- Ilulissani tikilluaqqusaasorujussuartut misigisimavunga, Ole oqaluttuarpoq.
- Kiinneraartuuvoq, sullarilluni, suliaminut pikkorilluni aalajaatsuullunilu, ingerlatsinermut qullersaq Niels Pedersen Ole pillugu oqaluttuarpoq
– Neriuppugut ukiorpassuarni suli maaniissasoq kiisalu pikkorissartarnikkut allatigullu pisinnaasami amerliartortinnissaannut peqataalluni, Niels naggasiivoq.
