Ilulissani imermik nukissiorfissap sananeqarnissaa qanilliallappoq

Nukissiorfiit, Ilulissani imermit nukissiorfissamik, sanaartortitsinissamut neqeerooruteqartitsinissaminnut, Namminersornerullutik Oqartussanit akuerineqarput.

Maani nunami kiisalu nunani avannarlerni allani,Ilulissani eqqaanilu imermut nukissiorfissamik sanaartornissaq sioqqullugu, sanaartornissamut piukkunnaateqartunut, sanaartornissaminnut kiisalu ukioq ataaseq, imermik nukissiorfissamik  15 MW – mik, ingerlatsitsisinnaasunut neqeroorut takuneqarsinnaanngorparsi. 

Sanaartornissaq sioqqullugu sanaartornissamut piukkunnaateqartunik pissarsiornermi, namminersortutut ingerlataqartut akornganni, suliassatut neqeroorutigineqartup, suliarinissaanut soqutiginnittoqarnersoq paasiniarneqarpoq. Taamaattoqassappat, neqerooruteqarlutik soqutiginnittut akornganni unammillerneq pilersinneqarsinnaavoq, taamaasillunilu angusassaq pitsaanerpaaq anguneqarsinnaalluni. 

Imermik nukissiorfissap sanaartorneqarluni aallartinneqarnissaanut, Inatsisartut aaliangiinissaat utaqqimaarneqassaaq. Sanaartornissaq akuerineqarpat, naatsorsuutigineqarpoq, sanaartornissaq ukiumi 2010 – mi aallaartinneqarumaartoq, ukiumilu 2013 – imi niuernerpalaartumik ingerlatsilernissaq naatsorsuutigineqarluni.

Sanaartunnginermi suliassamut piukkunnaatilinnut neqeroorut uani takujuk.