Sitemap
Kalaallisut | Dansk
 

Cykelit innaallagissamoortut ’Maji peqqissuutiguk’-mi

Pisortaaneq Svend Hardenberg ingerlatanillu aqutsisoq Frank B. Sørensen 12. maj 2010-imi Maji peqqissuutiguk-mut atatillugu aaqqissuussinermi Nukissiorfiit cykiliutai innaallagissamoortut atorlugit Nuummi ”Tour de Nuussuaq”-mi cykilertunut peqataapput. Peqataanermi siunertaavoq angalanerup pinngortitamut ajoqutaanngitsumik piuvinnartitsisuusinnaanerata avatangiisinullu ajoqutaanngitsumik pisinnaanerata takutinnissaa.

”Tour de Nuussuaq” illoqarfiup immikkoortortaani Nuussuarmi 10 km-inik isorartussuseqarpoq Kulturip Illorsuata Katuap eqqaaniit aallartittumik. Aaqqissuussinerup Nuummi innuttaasut politikerillu illoqarfimmi cykilertunut aqqutissiat misilinnissaannut periarfissippai, kingornatigut cykilertut atugarisaasa qanoq pitsanngorsaavigineqarsinnaanissaat oqalliserinissaa siunertaralugu.
 Svend Hardenberg-ip Frank B. Sørensenillu peqataasut allat 30-40 missigisaat peqatigalugit ingerlaaqatigiinneq naammassivaat, peqataasullu amerlanersaat tassaallutik meeqqat inuusuttullu.

Pikkori Sport-ip Nukissiorfiit isumaqatigiissuteqarfigalugit Nukissiorfiit cykiliutai pingasut innaallagissamoortut majimi atorsimavai. Tamannalu ilaatigut Pikkori Sport-imi sapaatip akunnerata ataatsip ingerlanerani cykelit innaallagissamoortut paasisitsiniutigineqarnissaannut atorneqassalluni.

Aamma atuaruk:
Utimut