Aappilattumi ukiunik 25-nngortorsiortoq

Taartaasartoq Karl Petersenip aggustip aallaqqaataani ukiunik 25-nngortorsiorpoq.

Karl Aappilattumi nunaqarfimmi sulisutsinnut taartaasuuvoq. Tallimanngormallu aggustip ulluisa 27.-anni pissusissamisoortumik nalliuttorsiutigineqarpoq Upernaviup immikkoortortaqarfiata kantiinaani kaffimik lagkagemillu sassaalliinertalimmik. Ingerlatsinermut qullersaq Gunnar Bruun allagartaq nersornaatisiaq tunniuppaa oqalugiartoqarporlu.
- Kaali qutsavigerusuppara pitsaasumik aalajaatsutullu sulisarneranut, neriuppungalu ukiorpassuit suli sulissasutit, taama Gunnari oqalugiarnermini oqarpoq.

Nukissiorfiit Kaali nalliuttorsiorneranut pilluaqqungaarpaa.