Kalaallit nunaat nunarsuarmi siullersaraat
Nukissiorfiit maannakkorpiaq suliffeqarfimmi suliat annersaasa ilaat ingerlatileruttorpaat. Innaallagissamut, imermut kiassarnermullu uuttuutit 43.000-it pioreersut, ungasianiit nalunaarsortakkanik nuna tamakkerlugu taarsersorneqartussaapput, tamannalu ukioq 2012-mi naammassineqarsinnaanera naatsorsuutigaarput. Tamatumuuna Kalaallit Nunaat nunarsuarmi nunanit uuttortaatit tamarmik ungasianit atuartagaqarfigisaasa siullersarilersissagunarpaat.
Maj 2007-mi nunaqarfik Sarfannguit Sisimiut eqqaaniittooq siulliullugu atuisimanermut uuttuutinik taarsersuiffigineqarsimavoq. Taarsersuineq Nuummi, Sisimiuni, Uummannami Upernavimmi nunaqarfinnilu nanginneqarpoq, tamatumani uuttortaatit tamarmik maanna taarserneqarsimalerlutik. 2010-mi Narsami, Qaqortumi, Nanortalimmi, Paamiuni Ittoqqortoormiinilu kiisalu nunaqarfiini sullitat uuttortaatinik taarsersuiffigineqarput. 2011-imi pilersaarutaavoq Maniitsoq, Qasigiannguit, Aasiaat, Kangaatsiaq nunaqarfiilu aamma nunaqarfiit Qeqertarsuup Ilulissallu eqqaaniittut uuttuutit taarsersorneqassaasut.
Ungasianiit uuttuutinik nalunaarsuineq sunaana?
Ungasianiit uuttuutit atuineranik nalunaarsuineq periusiuvoq uuttueriaatsinik allanngortitsisoq. Uuttuutit ataasiakkaat tamarmik radioantennenguaqarput, taamaalilluni uuttukkani atortorissaarummut “katiteruffimmik” taaneqartumut nassiussinnaallugit. ”Katiteruffiup” uuttuutinit uuttortakkani tamaasa toqqussavai, Internet-ilu aqqutigalugu Nukissiorfiit allaffeqarfianut nassiutissallugit. Uuttuinerit tamakku Nukissiorfinni toqqaannartumik takuneqarsinnaapput, assersuutigalugulu akiligassiinernut atorneqassallutik.
Akiligassiissutit eqqortut
Ullumikkut uuttuutitoqqat atorlugit atuinissanut naatsorsuutigisat malillugit akiliisoqartarpoq, a’contomik, ungasianiilli uuttuutinik nalunaarsuinermi nammineq atuisimaneq eqqorluinnartoq akilerneqartalissalluni, soorlu oqarasuaatinik atuisimanermi taama akiliisoqartartoq. Tamatuma nassatarissavaa nammineerluni sipaarniarluni siunniussat qanoq kinguneqarsimanerinik ajornaannerusumik takusaqarsinnaalerneq, namminerlu atuinermik malinnaasinnaalerneq, Nukissiorfiit nittartagaat aqqutigalugu imaluunniit akiligassanik nassiussuinermi. Akiligassiinermut periuseq nutaaq suliap ingerlanera naapertorlugu aallartinneqartalissaaq uuttuutit taarserneqartarnerat peqatigitillugu.
Aamma atuakkit:
2011
Pilersaarutit malillugit sulisoqarpoq, 5. juli 2011
2010
Maniitsoq tullinnguuppoq, 21. december 2010
Ungasianit atuaassutilerinerup killiffia, 1. juli 2010
Atuinerit misissoruk, 26. januar 2010
2009
Ungasianiit ammaasarneq ungasianiillu matusisarneq, 12. august 2009
Ungasianit atuaasalernermik suliap killiffia, 8. juni 2009
Ungasianit atuaasarnermik Danmarkimi saqqummiineq, 2. juni 2009
INUTEK-ip nukissiorneq sammivaa, 29. maj 2009
Sisimiuni uuttuutit 3/4-ii tamarmik taarserneqarput, 7. april 2009
Sisimiuni uuttuutit affaat sinnerlugit taarsereerneqarput, 11. marts 2009
Sisimiuni uuttuutinik taarsersuineq sukkasooq, 9. februar 2009
Juullimi innaallagissamik atuineruneq, 13. januar 2009
2008
Ukiuunerani kiassarnermut akiligassaq, 5. december 2008
Nukissiorfiit nunarsuarmi malunnaateqaqqilerpoq, 1. oktober 2008
Taarsersuineq ingerlalluarpoq, 5. september 2008
Nukissiorfiit nunarsuarmi ilisimaneqalerpoq, 9. juli 2008
Avatangiisit illersorniarlugit uuttuutinik ungasianiit nalunaarsuineq, 1. juli 2008
2007
Nunatsinni uuttuutinik ungasianiit nalunaarsorneqartalissaaq, 29. november 2007
