Qullersaqarfiup immikkoortortaanni arlaliusuni suliassanik anginerusunik ataqatigiissaarineq ingerlanneqarpoq:
• Pilersaarusiorneq, sanaartugassanik annertunerusunik aallartitsinerit aqutsinerillu
• Qitiusumiit aserfallatsaaliugassanik alliliinissanillu pilersaarusiorneq
• Qitiusumiit tunisassiornerup aammalu pilersuinerup isumannaallisarnissaanik aqutsineq
• Qitiusumiit aningaasatigut aqutsineq
• Atuisunut kiffartuussineq akiligasserinerlu
• Sulisoqarnermut allaffissorneq sulisussarsiornerlu
• Ataavartussamik nukissiornermut ilisimasanik katersineq ineriartortitsinerlu
• Suliffiup iluani avataanullu attaveqarneq

Ulluinnarni tunisassiorneq, pilersuineq, innaallagissamik, imermik kiassarnermillu tuniniaaneq nukissiuuteqarfinnit 15-nit kommuunerujussuit sisamaasuni pisarpoq. Suliassat nalinginnaasuupput:
• Tunisassiorfiit aserfallatsaalinissaat
• Ulluinnarni atuisunut/ pisisartunut attaveqarneq kiffartuussinerlu
• Suleqatinik avataani inissisimasunik attaveqarneq
• Imermik pajuttuisarneq
• Kommunimut suleqateqarneq ataqatigiissaarinerlu