Nukissiorfiit suliffeqarfiuvoq sukkasuumik ineriartortoq ulluinnarnilu unamminartorpassuarnik suliassaqarluni. Inuiaqatigiit piumasaqarfigaatigut ullumikkut siunissamilu isumalluarfigaluta. Isumalluutit piumasaqaatillu naammassiniassagutsigik pingaartuuvoq ulluinnarni sulinitsinni oqariartuutivut, takorluukkavut pingaartitavullu naapertorlugit ingerlatsinissarput.

Aqutsinissamut najoqqutassatsinni suut tunaartarissanerivut allattorsimapput, tullianilu allassimasumi taakkunannga tigulaarinerit atuarsinnaavatit.

Oqariartuut
Inuiaqatigiinnut suli ineriartortuartunut tunngaviuvugut - innaallagissamik kiammik imermillu kikkunnut tamanut pilersuinitsigut.

Takorluukkat
Inuiaqatigiinnut pitsaanerpaamik akikinnerpaamillu nukimmik piorsaavugut avatangiisinut illersuisumik.

Pingaartitat
Akisussaassuseqarneq
Ammasuuneq
Nutarsaaneq
Pitsaassuseq
Kiffartuussineq

Pingaartitat ataasiakkaarlugit aqutsinissamut najoqqutassatsinni allaaserineqarsimapput. Uani aasinnaavatit. Quppernerit sisamaaput, saqqaa ilanngullugu.