Sitemap
Kalaallisut | Dansk
 

Uffarfimmi sipaarutissaqqissut

Uffarfik angerlarsimaffimmi ininut allanut sanilliullugu innaallagissap sarfaanik atuinikinnerpaaffiugunarpoq, tassani errorsivik panersiivillu inissisimanngippata. Uffarfilli imermik atuinerpaaffiuvoq. Ataani kaammattuutigineqarput uffarfimmi imermik qanoq sipaagaqarsinnaasutit.

Anartarfik
Anartarfiit pisoqaanerusut kuutsitsinermi ataatsimi imeq 12 liter tikillugu atortarpaat. Anartarfiit nutaanerusut marlunnik kuutsitsifillit pisariaqartitsineq malillugu 3 imaluunniit 6 liter kuutsittarpaat. Anartarfimmik marlunnik kuutsitsiffilimmik taarsiiguit ullormut unnuamullu inummut ataatsimut imeq 35 liter missaa sipaarsinnaavat.

Pisariaqanngitsumik kuutsitsinaveersaarit
Imermik sipaassaguit aamma pisariaqanngitsumik kuutsitsisassanngilatit. Assersuutigalugu vatpindit, kakkissarfeeqqat pappiaqqat il.il. anartarfikkut kuugussaatittassanngilatit. Taakku eqqaavimmut iginneqartassapput.

Anartarfimmi imeq kuulaartuarpat
Anartarfik kuulaartuarpat ajoqutaa iluarsaattariaqarpat. Kuulaartuarpat sivitsunngitsoq imermik atuisorujussuanngorsimassaaq taamaalillunilu akisussalluni. 

Anartarfiup kuulaartuarnera

Ulloq unnuarlu atorsinnaavaa:

Ukiumut atorsimassavaa:

... takujuminaappat

ca. 274 literi

ca. 100 m3

... takuneqarsinnaappat

ca. 548 literi

ca. 200 m3

... ernga maligaassappat

ca. 1.096 literi

ca. 400 m3

... kuuppat

ca. 8.219 literi

3000 m3

*) Nunatsinni inoqutigiit ataatsit ukiumut agguaqatigiissillugu imeq 120 m3 atortarpaat.

Imeq qamittaruk …
Kuutsitsissaguit eqqarsaqqaartarit. Kigutitit salikkaangakkit, unngiaraangavit assigisaannillu ilioraangavit imeq qamitsiartaruk.

20 liter imeq minutsimut kuutsitsivikkoortarpoq
Imeq kuutsikkaangakku minutsimut 20 liter tikillugu kuuttarpoq. 

Kuutsitsissut koorusaarpat...

Ulloq unnuarlu:

Ukiumut*):

... kigaatsumik kuserluni

        19 literi

    7 m3

... sukkasuumik kuserluni

        82 literi

   30 m3

... kuuppat

      274 literi

  100 m3

*) Nunatsinni inoqutigiit ukiumut agguaqatigiissillugu imeq 120 m3 atortarpaat.

Tissaluttaat sipaarutissiaq atortaleruk
Tissaluttaat nalinginnaasoq sipaarutissiamik taarseruk. Sipaarutissiap minutsimut imeq 6-10 liter akornanni kuutsittarpaa pisoqqalli 10-20 liter minutsimut.

Imeq qamitsiartaruk …
Eqqaamasaruk erngup qamitsiartarnissaa qulikkaangavit qaqorsaasersoraangavillu sikivikitsumillu kuutsitsivigalutit uffartarit. Taamaaliornikkut imeq nukissarlu sipaarneqartarput. Tamatuma saniatigut termostat-armatur atortaruk erngup kissarnera tamatigut assigiissikkumallugu.

Tissaluttaat sipaarutissiaq imminut akilersinnaavoq
Kinissimaarneq nuannarsuuvoq imermilli atuisaqaluni. Kinissimaarnermi ataatsimi imeq 100-200 liter atorneqartarpoq. Tamatuma assigaa nalinginnaasumik uffarfimmi 10-20 minutsini kuutsitsivigitinneq imaluunniit tissaluttaatip sipaarutissiap ataani 30 minutsit tikillugit kuutsitsivigitinneq. Tamatumunnga taarsiullugu sivikitsumik kuutsitsivigalutit uffarnissat isumaliutersuutigiuk.