Qulleq qamiguk!
Soorunami qaammaqqummik atuinikinneruguit innaallagiaq annikinnerusoq atussavat. Taamaattumik qulliit atorneqartinnagit qamittakkit.
Peerimut sipaarniummut taarsiigit
Peeri aamaartartoq peerimik sipaarniummik taarseruk. Peerit sipaarnertut qaamanermik sisamariaammik annertutigisumik peerimut aamaartumut naleqqiullugit qaamanermik tunniussisarput innaallagissamik atuineq assigiilluni. Assersuutigalugu peeri sipaarniut 15W atorlugu qaamanermik peerip aamaartartup 60W-imik atuisup assinganik qaamasarpoq. Peerilu sipaarniut tallimariaammiit 15-riaammut sivisunerusumik atasinnaavoq.
Qulliit halogen-imik ikumanillit qamiffissaatigut qamittakkit
Maluginiaruk peerit halogen-imik ikumanillit sakkortusaaveqarmata innaallagissamik atuijuartunik, qamiffissaatigut eqqortukkut qamissimanngikkukkit. Iikkami qamittaatikkut qamittakkit.
Qullernik nammineerluni aqutsisoq
Aalanermik malussartartunik pisiassaqartarpoq aalasoqartillugu nammineerlutik qullernik ikitsisartunik. Aalasuerukkaangallu nammineq qamittartut. Tamakku naqqup ataani silamiluunniit atorneqarsinnaapput; qullermik qamitsiniarluni puigorfiusartuni.
Silami aamma taarsilernermi malussaatit atorneqarsinnaapput, taamaallaat taartumi ikittartunik.
Illup iluani silamilu nalunaaqquttanik ikitsisarlutillu qamitsisinnaasut aamma atorneqarsinnaapput. Tamakku aamma atorneqarsinnaapput illumi angerlarsimasoqartuusaartitsisartutut. Qulliit ataavartumik ikumatinnerininngaaniit pitsaanerupput.
Inissisimanerit pequtilersuinerillu
Sulilluni atuarluniluunniit qulliit iluamik inissinnerisigut atorluarnerusinnaavatit. Iikkat, qilaat, natersuit saagullu qalipaataat qaamasut taartuninngarnit qaamanermik utersaartitsisarput. Qalipaatit qaamasut qullermik pisariaqartitsineq annikillisittarpaat.
Qulliit qaammaqqutillu allat ipiitsuusariaqarput. Ipeqarsimagunik annikinnerusumik qaamasarput.
Imaaliorsimaguit… | ukiumut
sipaarsimassavat *)
|
…ullormut agguaqatigiissillugu akunnernik sisamanik
sivisunerusmik peerit 40W marluk qaminngatittarukkit | 116 kWh |
…ullormut agguaqatigiissillugu akunnernik sisamanik
sivisunerusmik peerit 60W marluk qaminngatittarukkit | 175 kWh |
…peerit halogen-imik ikumanillit qamiffissaatigut qamittarukkit | 40 kWh |
…peerit 40W-itortut sisamat 11W-itortunik taarserukkit | 169 kWh |
…Peerit 60W-itortut marluk 15W-itortunik taarserukkit | 131 kWh |
*) Kalaallit Nunaanni angerlarsimaffiit agguaqatigiissillugu ukiumut 3500 kWh atortarpaat
