Innaallagissamik sipaarut sinnerlutit sipaaruteqartitsissaaq

Qarasaasiatigut atortutit tamaasa innaallagissamik sipaarummut atassuserukkit USB-stikkillu qarasaasiamut ikkukkukkit ukiut tamaasa aningaasanik sipaagaqarsinnaavutit.

Imatut pisarpoq
Innaallagissamut sipaarut imatut pisarpoq, tassalu qarasaasiaq qamikkukku qaminnera sipaarummi nalunaarsorneqassaaq atortullu sipaarummut atassusikkat tamarmik sinneruttut isumamik qaminneqassapput. Qarasaasiaq ikeqqikkukku sinneri tamarmik aamma sarfaqaqqilissapput. Tamannalu pisarpoq illit nammineq ikiterinngikkaluarlutit qamiterinngikkaluarlutilluunniit.

Ileqqoralugu qamiterisarit
Eqqaamasaruk qarasaasiamut attuumassutillit tamaasa qamittarnissaat, soorlu skærmit, printerit, højttalerillu allaffinniittut, angerlarsimaffinniittut meeqqalluunniit inaanniittut. Tamakku tamaasa ileqqoralugu qamittanngikkukkit imaassinnaavoq piareersimatinneqarnerminni sarfamik atuiinnartassasut.

Piareersimatitsineq
Piareersimatitsineq tassaasinnaavoq qulleeqqat aappaluttumik ikumanillit tamarmik, takuneqarsinnaanngitsunili aamma piareersimatitsisoqaratarsinaavoq, soorlu mobiltelefoninut immiut.

Katillutik qanoq akeqarsinnaappat
Tamakku tamarmik immikkut, assersuutigalugu skærmit, printerit ilaallu annertunngikkaluarput, tamaasali katikkaanni takuneqarsinnaasumik inerneqassapput.
• Fladskærm                   20 kWh/ukiumut
• Computer                     25 kWh/ukiumut
• Laserprinter                100 kWh/ukiumut
• Højttalere                      15 kWh/ukiumut
• Oplader til mus                6 kWh/ukiumut
• Router/modem               35 kWh/ukiumut
Katilluigit                         201 kWh/ukiumut

Innaallagissamut aki annikinnerpaaq, 1,44 kr./kWh, akilerukku ukiumut katillugit 290 kr. sipaassavatit.
Innaallagissamut aki annerpaaq, 3,52 kr./kWh, akilerukku ukiumut katillugit 708 kr. sipaassavatit.

Innaallagissamut sipaarut akeqarpoq 100 - 150 kr. missaanni.

Innaallagissamut sipaarut aamma isiginnaarummut ikkunneqarsinnasoq pissarsiarineqarsinnaavoq.