Atortut innaallagissamoortut soorlu radio, tv, video, dvd, cd-afspiller, sakkortusaavik, qarasaasiaq printerilu pigigukkit, uuttuut imaaliallaannaq sukkasoorujussuarmik kisitsilersarpoq.
Inigisami sarfamik atuineq tamarmiusoq eqqarsaatigalugu atortunut taama ittunut agguaqatigiissillugu 15% missaanniittarpoq. Tamatuma saniatigut sarfamik atuineq tamarmiusoq eqqarsaatigalugu qulliit qulleeqqallu 20 % missaat atortarpaat.
Sipaarutissat malikkukkit sarfaq aningaasallu sipaarsinnaavatit.
Isiginnaarut TV
TV isiginnarunnaassagukku ikkuffik tamatigut qamittaruk. Ikkuffik tikikkuminaappat ledningiatigut qamittaatilersinnaavat. Ilisimassavalli TV-t pisoqqat aquttaatikkut ikkussukkanik annaasaqarsinnaasarmata. Nalorniguit ilitsersuut takuuk pisiffiilluunnit aperiuk.
Parabolantennit/dekoderit
Parabolit dekoderillu tigusisinnaassagunik ikumasussaapput. Taakku iluarsisassartaat inissitsitikkit qulleeraq kisiat ikumasussanngorlugu. Kanalnormu ersippat sarfaq annertunerujussuaq atorneqartarpoq - ukiumut 210 kWh tikillugu.
Video
Ikkuffikkut qamittaruk imaluunniit video inissittaruk sarfamik atuinikinnerpaasussanngortillugu. Videot amerlasuut atunngikkallartussatut inissittarfeqarput piareersimatinneqarnerminngarnit sarfamik atuinikinnerusussanngortillugit. Qanoq iliornissat ilitsersuutaani takusinnaavat. Videot ilaat qaminneqaraangamik, programmit toqqukkat eqqaamasinnaassanngilaat. Taava atunngikkallartutut inissittariaqassavat videolluunniit allamik pisissaguit modelimik allamik toqqaasariaqassaatit.
Stereoanlæg
Qamittaataatigut qamissavat qulleeqqat aappaluttut qorsuillu tamaasa qamillugit. Sakkortusaaveqaruit amerlanertigut ikkuffikkut qamittassavat sarfamik atuinaveersaarniarlutit.
Qarasaasiaq atortuilu
Qarasaasiaq atorunnaarukku ikkuffikkut qamissavat. Qarasaasiat ilaat qamissimagaluarlutilluunniit sarfamik atuisarput. Printeri skærmilu atorunnaarukkit marluutillugit qamittassavatit. Piareersimanermut qulleeraq ikumatillugu qarasaasiaq sarfamik atuisarpoq.
Sleep-mode akikinneruvoq screen-saveriminngarnit
Qarasaasiaq ikumatiinnarlugu qimassimanerani skærmi sleep-modemiitsillugu pitsaanerusarpoq, tassa taartuinnaassaaq. Skærmi screen-saverilik, tassa assinik allatanilluunniit sarsuatitsippat atorneqarnermisungajak sarfamik atuisarpoq.
ISDN- imut attaveqarneq
ISDN-imut, telefonimut attavimmit sukkanerusumut attaveqaruit, taassuma linienik marlunnik attaveqarnera pissutaalluni, netsimut attaveqartillutit allamik oqaluusaqartutut telefonit nipeqanngisaannassaaq, aamma
ADSL-imut attaveqarneq piareersimanermi sarfamik atuinertalik
ADSL-fimut attaveqaat sukkasoorujussuarmik attaveqataasoq, telefonimut assiaqutaqanngitsoq e-mailinik, internetserujoorfissanik (surfing), aallerfissanillu (download) internetsikkut pilertortumik ajornanngitsumillu ammaasinnaasoq, attaveqaatit aqqutaanik nakkutilliiffeqarlunilu aqutsisoqarfilik (router), assersuutigalugu piareersimatitsinermi 18 W-imik atuisinnaavoq. Attaveqaat ullormut unnuamullu 22 tiimit piareersimatinneqartarpat ukiumut 145 kWh tikillugit atortarpai.
Ikkuffik unnaallagissamik sipaarutaasoq pillugu uani atuaruk
