Baalia atorlugu erruisarit
Assannik erruissaguit baalia atortaruk. Baalia atornagu imeq kuutsiinnarlugu erruisaruit imeq annertunerujussuaq atortarpat.

Saliigaangavit baalia atortaruk
Naatsitat imaluunniit saviit assigisaallu salikkaangakkit baalia atortaruk. Baalia atornagu puujuttat, saviit assigisaallu salikkukkit imeq 10 aamma 15 liter akornanniittoq imaaliallaannaq atoratarsinnaavat.

Saliineq maskiinamut isumagitiguk
Saviit assigisaallu maskiinamut erruivimmut ikinnginnerini saleqqaarnissaat pisariaqanngilaq. Nerisat sinnikui piiarnissaat naammappoq. Saliissaguit maskiinap salitassanut programmia atortaruk. Errugassat ingerlaannaq maskiinamut ikisakkit. Maskiinap matunissaa eqqaamasaruk, aamma aqaguaniluunniit aatsaat aallartinneqassappat. Taamaalilluni errugassat isugutaartinneqassapput erroruminarnerulissallutillu.
 
Maskiina ulikkaartaruk
Maskiina erruivik aallartitsinnagu ulikkaarlugu immertaruk. Ataatsimut isigalugu errukkat ikikkaluartut amerlasuutulli nukissiuut annertoqataa atortarpaat. Sapinngisamittaaq programmi sivikinnerpaaq kissarnikinnerpaarlu toqqartakkit errukkat saligaatsunngorfigisinnaasaat. Taamaaliornikkut nukissaq sipaarneqartarpoq.

Maskiinamik erruivimmik pisineq
Siullermik maskiina erruvik qanoq annertutigissasoq aalajangissavat. Maskiinat atorneqarfissaat 4, 6, 8, 12-niit 14-inut toqqagassartaqartarput. Toqqagassat 12-sarnerat nalinginnaanerpaavoq. Innaallagissap sarfaa imerlu eqqarsaatigalugit maskiina angisooq atorlugu ataasiartamik erruineq imminut akilersinnaanerpaavoq, mikisumi arlaleriarluni erruinerminngarnit.

Maskiina A-mik nalunaaqutsigaq toqqartaruk innaallagissap sarfaanik imermillu atuinikinnerpaammat. Maskiina iggavimmi nerisarfiutigisumi pequusivimmiluunniit atorneqartassappat sapinngisamik nipituuliunnginnerpaanissaa pingaaruteqarpoq.