Nukingisaarut Akiligassiissummik “kingusinnerpaamik akiliiffissamik” ullulerlugu allassimasumik piffissaq eqqorlugu akiliinnginneq akisuunngorsinnaavoq.
Nukingisaarut qamitsinerlu
Piffissaq eqqorlugu akiligassiissut akilersimanngikkukku nukingisaarummik nukingisaarinermi sullinneqarnermut akiligassartalerlugu nassissavatsigit. Nukingisaarullu ilinnut apuussimanngippat tuniniaanitsinnut tunniussisarnitsinnullu piumasaqaativut malillugit nukingisaarneqarsimassaatit. Akiliiffissaq eqqorlugu nukingisaarut akilerneqanngippat innaallagiaq, imeq aamma imaluunniit imeq siumut nalunaarutigeqqaarnagit matuneqassapput/qaminneqassapput.
Sullinneqarnernut allanut akiliutit
Pilersuinernik matusisoqaraangat uuttuummut ataatsimut matusinermut sullinneqarnermut ingerlaannaq akilerneqartussamik akiligassiisoqartarpoq. Akiligassallu tamaasa akilerneqareerpata aatsaat pilersuineq ammaqqinneqarsinnaavoq, tamatuma saniatigut pilersuinermik ammaaqqinnissamut sullinneqarnermut akiliut akileqquneqartarpoq.
Taamaattumik piffissaq eqqorlugu akiligassap akilerneqarnissaa siunnersuutitsialaavoq. Pilersuinernik matusinerit aammaaqqinnerillu akisuujupput.
Akiliisimanermut uppernarsaat
Ilinnut akiligassiissut akilerukku nukingisaarummillu tigusaqarsimaguit arlaannik pissuteqartumik akiliisimanerit naatsorsuutinut inissinngitsoorsimassavarput. Taamaattumik uatsinnut attaveqarnissat pingaaruteqarpoq. Illoqarfigisanni Nukissiorfiit immikkoortortaqarfiata allaffianut imaluunniit Nuummi atuisunut sullissivimmut akiliisimaninnut uppernarsaat nassiuguk. Taava kukkuneq sumiittoq paasissavarput pilersorneqarninninnillu mattunneqassanngilatit.
Akiliisimanermut allagartaq bankimiit
Betalingsservicemit akiligassanut takussutissaq akiliisimanermut uppernarsaataanngitsoq erseqqissaatigissavarput. Tassa Betalingsservice aqqutigalugu akiliisimaguit Nukissiorfinniillu nukingisaarummik tigusaqarsimaguit akiliisimanermut uppernarsaammik piumajartorlutit aningaaserivimmut saaffiginnissaatit. | 
