Akit

Inaallagissamut imermullu akit 1. januar 2010-miit atuutilerput. Kiassarnermut akit 1. marts 2009-miit. Akit pineqartut ukiumi 2008-imi tunisanit aningaasartuutinillu tunngaveqarput.

Tamatuma saniatigut tunisaqarnitsinni pilersuinitsinnilu piumasaqaatigut innersuussutigineqarput.

Ineqarnermut, Attaveqarnermut Angallannermullu Naalakkersuisoq Jens B. Frederiksenip 2010-mi akit akuersissutigai aammalu akitsuutit aamma tunisinermi pilersuinermilu 2009-mi piumasaqaatit siusinnerusukkut Naalakkersuisuusut akuersissutigalugit.

Ullumikkut akit
Akit ullumikkut atuuttut una aallugu takusinnaavatit ”Akit pillugit takussutissiaq nr. 19,  1. januar 2010”-miit atuuttoq. Tamatuma saniatigut uagut akinik sanilliussinigut aagukkit innaallagissap, erngup kiassarnerullu akiisa assigiinngissutaat takusinnaavatit taamaalillutillu illoqarfimmi nunaqarfimmiluunniit najukkanni akit qanoq annertutigisumik qaffariarsimanersut appariarsimanersulluunniit takusinnaallugit.

Akit naapertuunerusut
Inatsisartut akit assigiiaarnerat 1. januar 2005-imiit atuutilersumik allanngortiterpaat tamatumalu kingunerisaanik innaallagissap erngullu akii akivimminnut naapertuunnerusunngortinneqassallutik. Akit assiigiissaarneranniit akinut naapertuunerusunut ikaarsaariarfik ukiup 2009-p naanera ilanngullugulu atuuppoq. Kingorna Naalakkersuisut aalajangerpaat akit assigiikkunnaarnerannut allannguut 2010-i ilanngullugu atuutissasoq, taassumalu kingorna allanngortinneqassanersoq aalajangiiffigineqarumaarluni.

Akit iluarsiivigineqartarnerat
2005-imiit 2010-mut akit atuuttut ukiumoortumik iluarsiivigineqartarput najukkami innaallagissamik imermillu pilersuinermi aningaasartuutinut sanilliullugit.

Akit assigiiaarlugit iluarsartuussineq
Akit assigiiaarlugit iluarsartuussinermi akit ukiumut annerpaamik 10%-imik qaffanneqartarneranniit 2009-mi annerpaamik 50 %-inut qaffanneqartarput. Tamatuma saniatigut uuliap akiisa qaffariaataat Nukissiorfinnilu aningaasartuutit qaffariaataat allat ilanngunneqarput.

Kiassarnermut aki suli assigiissaagaavoq uuliap tuninerani akia aallaavigalugu naatsorsorneqartarluni.

1. januar 2009-mi 1. januar 2010-milu innaallagissamut imermullu akit assigiinngissutaat

1. august 2008-mi 1. marts 2009-milu kiassarnermut akit assigiinngissutaat