Akiligassap allagartaa

AkiliigallarneqInigisat innaallagissap sarfaanik, imermik pisariaqarsimappallu kiassarnermik pilersorneqarpat Nukissiorfimmiit qaammammut ataasiarlutit akiligassap allagartaanik akilerallagassamik nassitsivigineqartarputit. Akiligassap allagartaa qaammatip qiteqqunnerata nalaani nassiunneqarajuttarpoq Pengeinstitutternes Betalingsservice, PBS-imiillu nassiussuunneqartarluni.

Akiliigallarnermi aningaasat innaallagissap sarfaanik, imermik immaqalu kiassarnermi atuisimanertut uagut illillu naatsorsuutigisarput matussusertussaavaat. Akiliigallarnermi aningaasat imatut annertussusilertarpavut, tassalu illoqarfimmi/nunaqarfimmi najukkanni atuinertut naatsorsuutigisarput akimik gangerlugu. Akit takusinnaavatit uani.

Akileeqqinnissaq utertoornissarluunniit
Ukiut tamaasa uttuutit inissiamiittut Nukissiorfinniit atuariartorneqartarput. Atuaaneq aallaavigalugu manna tikillugu atuineq annertussusilersinnaavarput tamatumalu kingorna allakkat akileeqqinnissamik utertoornissamilluunniit imallit tigussavatit, akiliinikippallaarsimanerit imaluunniit annertuallaamik akiliigallarsinerit apeqqutaatillugu. Aningaasat qaammammi tulliuttumi akileqquneqassaput imaluunniit akerlianik bankkontonnut ikineqassallutik. Eqqaamajuk innaallagissap sarfaanik, imermik immaqalu kiassarnermik atuilernerit nalunaarutigigukku kontonormut paasissutissiissutigissagakku.

Illoqarfiit nunaqarfiillu ungasianiit atuaaffigineqartartut
Illoqarfinnut nunaqarfinnullu ungasianiit atuaaffigineqartartunut aammalu illoqarfinnut nunaqarfinnullu ungasianiit atuaaffigineqartaleriartuaartunut tunngatillugu atuinermut akiligassat allagartaat eqqortoq nassiunneqartarpoq.

Akiliisimanermut uppernarsaat
Akiligassavit allagartaa akilersimagukku pitsaassuussaaq akiliisimanermut uppernarsaat toqqortarukku. Imaassinnaavoq akiliisimaneq uagut nalunaarsunngitsoorsimagipput tamatumalu kingunerisaanik nukingisaarut imaluunniit allakkat matoqqasut atorlugit nalunaarut ilinnut nassiukkipput. Taama pisoqartillugu pitsaasuussaaq akiliisimanermut uppernarsaat takutissallugu. Erseqqissaatigissavarput Betalingsservicemiit akiliinermut takussutissiaq akiliinermut uppernarsaataanngimmat. Imaappoq Betalingsservice aqqutigalugu akiliisimaguit aningaaserivimmut saaffiginnissaatit nuussinermut uppernarsaat piumallugu.   

Atuineq
Inissiami ilaqutariinni inunngortoqarsimappat, ataatsimik arlalinnilluunniit nuuttoqarsimappat, atortut innaallagissamoortut allallu amerlatsissimappata tamakku pissutaagajuttarput innaallagissap sarfaanik, imermik immaqalu kiassarnermik atuinerit annertuseriarnerannut. Taama pisoqartillugu pitsaasuussaaq atuisut saaffiginnittarfiat attaveqarfigigukku akiliutaagallartartullu naleqquttumik qaffatsillugit. Illua’tungaanut sammisoq aamma pisinnaavoq, tassalu akiliutaagallartartut naleqqussartissinnaagakkit imaalillugu qaammammut akiliinikinnerulerlutit.

Najoqqutassaq
Qaammammut akiliutaagallartussaq naatsorsussagutsigu suna tunngavigissavarput?
Ilaqutariit ataatsit agguaqatigiissillugu marlunnik inersimasortallit marlunnillu meerartallit missingersorlugu imatut atuisarput:
• 120 m³ (kubikmeter) imeq ukiumut
• 3.500 kWh (kilowattimer) innaallagissap sarfaa ukiumut
• 20.000 kWh (kilowattimer) innaallagissamoortumik kiassarnermut ukiumut. Malugiuk: Manna tikillugu Nuuk kisimi innaallagissamoortumik kiassarfiusarmat.
Atuineq soorunami inoqutigiinniit inoqutigiinnut assiigiinngissinnaavoq. Atuineq tamatigut sipaarfigisassavat taamatuttaaq aningaasanik, nukissiuutinik sipaarnissamut siunnersuut manna malikkukku.

Paasissutissat
Akiligassat allagartaat pillugit uatsinni Saaffiginnittarfik attavigissagukku pitsaasuussaaq paasissutissat pingaarutillit taassagukkit, sapinngisamik pitsaanerpaamik uagut sullissinnaaniassagatsigit. Akiligassap allagartaata teqeqquani qullermi talerperlermi atuisup normua fakturallu normua allassimavoq. Taakku paasissutissiissutigigukkit suliaq pilertortumik qaqissavarput apeqqutitillu akissuteqarfigisinnaassavavut.