Pilersorneqarnerit akornuteqarpat makku misissukkit

Ikkuffiit misissukkit
Sanilititit innaallagiaqarlutillu imeqarlutillu kiassarneqarpata illit pilersorneqarninni ikkuffiit atorneqartut misissukkit. HFI- imaluunniit HPFI-relæ ikumanngila? Sikringit qaarsimappat? Taakku innaallagissamik uuttuutip nalaani inissisimasarput.

Taakku ajunngippata el-installatørimik aggertitsigit.

Ungasianiit kiassarneq ajoquteqarpat, sanilivillu kiassaataat ajornatik vvs-installatørimik aggertitsigit.

Imermik kuuttoqanngippat, sanilitillu imeqarlutik, qerinaveersaat ikumanersoq misissoruk. Tamanna HFI- aamma HPFI-relæmi takuneqarsinnaavoq.

Imaassinnaavorluunniit akiliisimannginnavit qamitaasimasutit. Tamanna pillugu uani paasisaqarnerugit.

 

Sikrinngit imatut misissussavatit

Ineqarfiup ilaannaa innaallagiaqanngippat imaaliorit:

Sikrinngit:

  • Sikrinngip isuani ”sapangaarannguaq” ippoq. Katassimappat sikrinngi qaarsimassaaq.
  • Taamaattoqarsimappat tamanut qamittaat qamiguk, ininilu qaminngaffiusuni ikittaatit qamillugit.
  • Sikrinngi taarseruk ikillugulu.
  • Inini ikitassat ataasiakkaarlugit ikikkit. Sikrinngi qaaqqippat ajoqut paasissavat, tassalu qulleq imaluunniit innaallagiartortut arlaat ajoquteqarsimassaaq.

Automatsikrinngit:

  • Inini qaminngasuni ikittaatit tamaasa qamikkit.
  • Automatsikrinngi ikiguk
  • Inini ikitassat ataasiakkaarlugit ikikkit. Sikrinngi qaaqqippat ajoqut paasissava, tassalu qulleq imaluunniit innaallagiartortut arlaat ajoquteqarsimassaaq.

Illup iluani innaallagiaqanngippat imaaliorit:

  • Gruppetavlimiippoq HFI/HPFI-afbryderi – qamittaat. Taanna ilaanni nammineq qamittarpoq, sikrinngimik qaartoqanngikkaluartoq.
  • Taanna ikiguk
  • Ikikkumanngippat gruppeafbryderit tamaasa qamikkit
  • HFI/HPFI-afbryderi ikiguk, gruppeafbryderillu ataasiakkaarlugit ikillugit.
  • Ikitsisaqattaarninni HFI/HPFI qamippat, suna ajoqutaanersoq paasissavat.
  • Qulaani nassuiarneqartut uteqqikkit
  • Ajoqut sumiinnersoq paasisinnaanngikkukku, el-installatørimik aggertitsigit.

Una pappialanngoriarlugu sikrinngeqarfimmut nivinngaruk, ajortoqassagaluarpat takoriaannanngorlugu.

Apeqqutissaqarpit?

Atuisunik Sullissisarfik apeqqutivit akinissaannut periareersimapput. Atuisuinik Sullissivik akeqanngitsumik uunga attavigiuk 80 11 50 imaluunniit mailikkut lg.ti1542149983ifroi1542149983ssiku1542149983n@eci1542149983vrese1542149983dnuk1542149983.

Atuisunik Sullissivik ammasarpoq ataasinngornermiit tallimanngornermut nal. 10:00-imiit 15:00-ilumut.