Akiligassat

Bankikkut nuussillunga akiliisinnaavunga?

Aap, paasissutissat aaku: Registreringsnummer 6471, kontonummer 1001474. Eqqaamajuk atuisutut normut imaluunniit inuup normua allaffissiakkut allassagakku, taamaalilluta nalussanngilarput illit akiliutigigitit.

Qanoq ilillunga PBS-imut ilanngutissuunga?

Ugguuna, imaluunniit bankinnut nalunaarlutit.
Nalunaarsorneqarneq sivisusinnaavoq, taamaammat nalunaareeraluarlutit suli nalunaarsorneqartutut allassimanngikkuit, pisarnittut akiliigit.

Akiligassakka qaqukkut akilereersimassappat?

Assersuut, januarimi atuinerit februarimi nalunaarsorneqassaaq, qaammatip qeqqani akiligassaq piariissaaq ilinnullu nassiunneqarluni, illillu februarip naanerani tigussavat. Tassa imaappoq januarimi atuinerit martsip aallartinnerani akilereersimassaaq.

Akiliiffissamik nutaamik pisinnaavunga?

Aap, pisinnaajuaannarputit, uunga saaffiginnikkuit: 80 11 50 imaluunniit lg.ti1542673534ifroi1542673534ssiku1542673534n@eci1542673534vrese1542673534dnuk1542673534.

Sapaatip akunnera qaangiuppoq akiliigama, akileeqqusissummillu nassinneqaqqippunga

Ajuusaarnarpoq akileereersimagaluarlutit akileeqqusissummik nassinneqaqqikkavit. Taamaattoqarsimappat tigusat kingulleq takunngitsuusaaginnassavat. Kukkunikkulli allagarseqqissimaguit naatsorsuutigissavat ullut marluk-pingasut ingerlaneranni akiliutit nalunaarsorneqarsimassasut, taamaammallu akiligassamik nassinneqartoorsimallutit.

Qaqugukkut innaallagiaq qamittarpisiuk?

Akiligassat akilersimanngikkukku Nukissiorfiit akileeqqusissummik nassissavaatsit.

Atuisutut akiliinissannut ullut 14-it periarfissinneqarputit.

Ullut 14-it ingerlaneranni akiliisimanngikkuit Nukissiorfiit aappassaaneerlutik akileeqqusissummik nassissavaatsit. Taanna sapaatit akunneri pingasut qaangiutsinnagit akilereersimassavat.

Sapaatit akunneri pingasut ingerlareersut akiliisimanngikkuit, Nukissiorfiit akiligassap nalinga qamitaanissamullu allagaq ilanngullugu nassiutissavaat.

Maanna ullut tallimat akiliinissannut periarfissaqalerputit.

Ullut tallimat ingerlareerpata akiliisimanallu atuinerit Nukissiorfiit qamissavaat.

Sooruna akiligassanik nassinneqarneq ajortunga?

Tamanna arlalinnik peqquteqarsinnaavoq, taamaammat Atuisunut sullissivik saaffigiuk uunga 80 11 50 imaluunniit lg.ti1542673534ifroi1542673534ssiku1542673534n@eci1542673534vrese1542673534dnuk1542673534.

Nukissiorfinnut akiliiartorsinnaavunga?

Allaffitsinniit akiliisitsisinnaanngilagut, taamaammat netbank, bank allakkerivilluunniit aqqutigalugit akiliisariaqarputit.

Akiligassap allagartaa qanoq ilillunga paasissavaar?

Atuisumut ajornannginneroqqullugu akiligassami makku allassimapput: atuisutut normut, atuinerup nalunaarsorneqarnera, aki ullorlu akiliiffissaq. Uani paasisaqarnerugit. [Link – tjek vejledningen]

Apeqqutissaqarpit?

Atuisunik Sullissisarfik apeqqutivit akinissaannut periareersimapput. Atuisuinik Sullissivik akeqanngitsumik uunga attavigiuk 80 11 50 imaluunniit mailikkut lg.ti1542673534ifroi1542673534ssiku1542673534n@eci1542673534vrese1542673534dnuk1542673534.

Atuisunik Sullissivik ammasarpoq ataasinngornermiit tallimanngornermut nal. 10:00-imiit 15:00-ilumut.