Misiliummik pilersaarutit

Nunatsinni nukissiuutinik pilersuinermi, nutarsaanissaq siunertat pingaarnerit ilagaat. Nukissiuutinik tunisassiornerput siammarterinerpullu eqqarsaatigalugit nutarsagassaqarpugut. Nukissiuutilerinermi teknologi ullumikkut atorneqartartoq, amerlasuutigut issittumut tulluarsagaanngilaq, taamaammallu misiliummik pilersaarutinik aallartitsisariaqartarpugut, taamaaliorutta tunisassiornermi misilittakkavut ilisimasavullu amerlissammata. Misiliutit tamakku qulakkeertarpaat teknoligiit assigiinngitsut nunatsinni atorneqarsinnaanersut, uagullu unammillernartui nammassinnaanerigut.

 

Misiliummik pilersaarutit akisusinnaasarput, tassami atortut nalinginnaasut, soorlu dieselmotorit, pillugit ilisimasagut, misiliummik pilersaarutinut ilisimasatsinnut naleqqersuussinnaanngilagut, akisunaarisinnaasarnerpulli siunissamut aningaasaliinertut isigisariaqarpoq.

 

Misiliutitummi pilersaarutit aqqutigalugit ilisimasavut misilittakkavullu annertusisarput, siunissami nunatta nukissiuutit ataavartut atorlugit pilersorneqarneruleriartornissaanut atorluarsinnaasavut.